Kelot na mag-aaplay na sundalo, pisak sa trak

MANILA, Philippines — Idineklarang dead on arrival sa ospital ang biktimang si Joberz Bagalacsa Orenas, 24, ng Zone 3, Brgy. San Isidro matapos na ma-hit and run ng isang trak kamakalawa sa national highway ng Zone 6, Brgy. Sto. Niño, Iriga City, Camarines Sur.

Sa ulat, dakong alas-11:45 ng umaga ay nag­lalakad ang biktima sa tabi ng kalsada para tumungo sana sa kampo ng Philippine Army para mag-aplay na sundalo nang mabangga ng hindi naplakahang sasakyang wagon.

Sa lakas nang pagkakabangga ay tumilapon ng ilang metro ang biktima sa kalsada pero sa halip na tulungan ay humarurot patakas ang sasak­yang nakabangga patungo sa direksyon ng Brgy. Hanawan sa bayan ng Ocampo.