‘Leftist teachers’ bawal sa Malacañang
MANILA, Philippines — Inimbitahan ni Pangulong Rodrigo Duterte ang lahat ng public school teachers na pumasyal sa Malacañang.
Subalit, agad niyang nilinaw na tanging mga legal na guro ang pinapupunta at hindi ang mga guro na miyembro ng mga makakaliwang grupo na posibleng tinutukoy ng Pangulo ay yun mga miyembro ng Alliance of Concerned Teachers (ACT).
Ang imbitasyon na ito ng Pangulo ay sa kanyang talumpati sa groundbreaking ng Gen. Gregorio Del Pilar National High School sa Bulacan, Bulacan kamakalawa.
Bukod dito ay tiniyak din ng Pangulong Duterte ang pagtaas ng sahod ng mga public school teachers ngayong taon.
Kaya’t pinapabilisan na niya ang nasabing mga karampatang dokumento para sa taas sahod ng mga guro kay Department of Education (DepEd) Sec. Leonor Briones.
Ayon pa kay Duterte na nagkausap na sila ni Budget Sec. Benjamin Diokno sa nasabing pondo na kailangan para sa salary adjustment ng mga public school teacher.
- Latest