Turkish na nanakit, nanagasa ng traffic enforcer ideport-Erap
MANILA, Philippines — Pinadedeport ni Manila Mayor Joseph Estrada ang Turkish na nanakit ng traffic enforcer matapos na hulihin sa Intramuros, Manila dahil sa illegal parking.
Anya, dapat lamang na maibalik sa kanyang bansa si Yuksel Ibrahim, 24, isang negosyante, at nanunuluyan sa Teacher’s Compound, Brgy. West Rembo, Makati at huwag nang payagan na muli itong makabalik ng Pilipinas.
Magugunita na noong Oktobre 25 ay nagsasagawa ng operation ang mga tauhan ng Manila Traffic and Parking Bureau nang makita na walang driver ang sasakyan ni Ibrahim na naka-illegal park kaya’t dinala ito sa impounding area sa Central Market.
Dito na nagpakita ng pagiging maangas at kayabangan si Ibrahim nang sigawan at saktan ang ilang tauhan ng MTPB sa pamamagitan ng pagbukas at pagsara ng pinto ng SUV. Nasangkot din si Ibrahim sa kaso nang pananagasa sa traffic enforcer na si Makati Public Safety na si Michael Orcino.
- Latest