Habagat hahataw pa
MANILA, Philippines — Inihayag ni PAGASA weather forecaster Aldczar Aurelio na katamtamang mga pag-ulan at paminsan-minsang malakas na ulan dulot ng habagat ay magpapatuloy at mararanasan hanggang Miyerkules sa Metro Manila, Batanes, Babuyan Group of Islands, Ilocos Region, Cordillera Administrative Region, Central Luzon, Calabarzon, at Mimaropa.
Ayon pa kay Aurelio na si bagyong Karding ay magpapatuloy para palakasin ang habagat bagamat ito ay nakalabas na sa Philippine area of responsibility.
Ayon pa kay Aurelio na kahapon ng umaga ay hindi nila inaasahan ang pagbuhos ng ulan tulad nang nangyari noong Sabado sa Metro Manila.
Nabatid na ang mga radar ng PAGASA ay matatagpuan sa Tagaytay at Subic na malalaman kung sa loob ng tatlong oras kung malakas ang buhos ng ulan.
“Within 3 hours po ay makikita natin kung may malakas na pag-ulan bago pa lang ibabagsak sa lugar,” wika ni Aurelio.
Samantala, nagdeklara na ng red alert ang National Disaster Risk Reduction and Management Council (NDRRMC) na nangangahulugan na lahat ng miyembro ng NDRRMC ay dapat 24/7 na duty bilang rotational basis para mamonitor ang epekto ng habagat na base sa kanilang standard operating procedures.
Matatandaan na noong Sabado ay nagkaroon ng Torrential rains na nagdulot ng pagbaha sa iba’t ibang bahagi ng Metro Manila at mga katabing lalawigan.
Dahil sa patuloy ang pabugsu-bugsong pag-ulan at pagbaha ay nagsuspinde ng klase sa ilang lugar sa Metro Manila at mga kalapit na lalawigan ngayong Lunes, Agosto 13.
Nabatid na nagkansela na ng klase sa mga lungsod sa Metro Manila ang Malabon City: all levels, public and private; Marikina City, all levels, public and private; Navotas City, all levels, public and private at Valenzuela City, all levels, public and private.
Kanselado na rin ang klase sa Benguet; Balagtas Bulacan; Baliwag; Bulakan; Calumpit; Guiguinto; Hagonoy; Meycauayan; Malolos; Paombong, pawang sa Bulacan; Lingayen Pangasinan; San Mateo, Rizal; Rodriguez, Rizal at Taytay, Rizal, all levels, public and private.
- Latest
