Ahente ng pdea utas sa ambush
MANILA, Philippines — Isang agent ng Philippine Drug Enforcement Agency (PDEA) ang napatay matapos pagbabarilin sa isang ambush kamakalawa ng gabi sa Barangay Parrelos, Carcar City.
Ang nasawi ay kinilalang si Von Rian Tecson na nakatakda sanang ilipat sa PDEA-Region 6 (Western Visayas) matapos magsagawa ng pagbalasa ng mga agent.
Sa ulat, ala-1:00 ng hapon ay pauwi na si Tecson sa kanilang bahay na may 200 metro na lang ang layo nang sumulpot ang isang motorsiklo at agad na pagbabarilin.
Ayon kay SPO1 Von Tecson, kapatid ng biktima, sinabihan siya ng kaniyang kapatid na nakatanggap ito ng death threats galing sa mga high value targets ng PDEA.
- Latest