Cha-cha hindi prayoridad ng Senado
MANILA, Philippines — Hindi magiging prayoridad ng Senado ang Charter change o panukalang pag-amiyenda sa Konstitusyon sa pagbabalik ng sesyon ng Kongreso sa susunod na linggo.
Ito ang tiniyak ni Senate President Vicente “Tito” Sotto III at bibigyan ng prayoridad na makuha ang pulso ng mga mamamayan tungkol sa federalism.
Ayon pa kay Sotto, bago pag-usapan ang draft ng federal constitution, dapat munang resolbahin kung anong paraan ang gagamitin sa pag-amiyenda ng Konstitusyon.
Kabilang aniya sa mga isyu na dapat pagdebatihan ang political party system, democracy fund, at ang pagbabawal na sa isang tao na tumakbong presidente, bise presidente, senador o congressman kung walang sapat na pinag-aralan.
Maaari aniyang sabihin ng mga mahihirap na anti-poor ang federal constitution dahil hindi naman lahat ay nakaka-graduate sa kolehiyo.
- Latest