Koko inalis, Sotto ipinalit
MANILA, Philippines — Napagkasunduan ng 14 majority bloc senators ang pagbabago ng liderato sa pamamagitan nang pagtanggal kay Sen. Koko Pimentel at ipalit si Vicente Sotto III bilang senate president.
Ang mga nagpirma sa manifesto noong Huwebes ay sina Senators Loren Legarda, Nancy Binay, Sonny Angara, Joel Villanueva, Gringo Honasan, Panfilo Lacson, Miguel Zubiri, Manny Pacquiao, Cynthia Villar, Francis Escudero, Richard Gordon, Ralph Recto, at JV Ejercito. Ayon sa source, ngayong araw lalagda si Senator Grace Poe.
Ang majority bloc ay may 17 miyembro kasama na sina Sotto at Pimentel.
Nakasaad sa manifesto: “By majority vote of all the senators, Sen Vicente C Sotto III is hereby elected as the new Senate President to discharge the duties and powers granted to him by the Rules of the Senate.”
Ayon naman kay Honasan na may nakaiskedyul na pagpupulong sa Lunes (May 21) at inaasahan ang pag-uusap sa iba’t ibang isyu kabilang na dito ang ukol sa pagpaalit ng liderato.
Si Pimentel ay nahalal na maging lider ng Senado noong 2016 sa pagsisimula ng 17th Congress. Siya rin ay pangulo ng PDP-Laban party.
- Latest
