Mga pinauwing OFWs sa Kuwait may job offer sa Japan
MANILA, Philippines — Naghahanap ang isang Japanese businessman ng nasa 1,000 staff sa kanyang negosyo sa Japan at prayoridad ang mga napauwing overseas Filipino workers mula Kuwait.
Kaya naman ay nagsasagawa na nang pagsasala ang tanggapan ni Labor and Employment Secretary Silvestre Bello III bilang tugon sa paglapit umano ng naturang banyaga sa kanya para bigyan ng trabaho ang nasabing bilang ng mga OFW na pinauwi sa bansa.
Nagustuhan umano ng employer ang kaalaman ng mga Pinoy workers sa general service kung kaya sa Mayo ay inaasahan na ring ipadala ang mga ito sa Japan.
Nauna nang ibinida ni Bello sa pagdinig ng House Committee on Oversease Workers Affairs na bukod sa nasabing job offer ay may 10-milyong trabaho ang naghihintay sa mga Pilipino sa ilalim ng “Build, Build, Build” program ng administrasyon at naniniwala na wala ng manggagawang Pinoy ang kailangan pang umalis ng bansa para magtrabaho.
- Latest
