Tatlong korap na police general pinagbibitiw ni Duterte
MANILA, Philippines – Upang makaiwas sa kahihiyan ay pinagre-resign na lang ni President elect Rodrigo Duterte ang tatlong ‘corrupt’ PNP generals.
“Corruption must stop. Itong pulis, itong pulis must stop, will have to ask about three generals ‘dyan sa Crame to resign. And do not wait for me to name you in public because I will only humiliate you,” wika pa ni Duterte sa thanksgiving party sa Crocodile Park kamakalawa ng gabi sa Davao City.
Rerebyuhin din nito ang mga kasong nakasampa laban sa 3 PNP genrerals lalo’t pinapatagal lamang ang kaso nito sa korte para hindi na mahagilap ang mga witness.
Iniutos din ng incoming president ang pagpatay sa mga pulis na sangkot sa illegal drugs trade. “Don’t take this as a joke. Hindi ako nagpapatawa,” wika pa ni Duterte.
Pinaalalahanan naman ni PCOO Sec. Herminio Coloma Jr., si Duterte na dapat dumaan sa tamang proseso ang pagsibak sa mga opisyal o empleyado ng gobyerno.
“Isa sa mga mahahalagang haligi ng administrasyong Aquino ang pagsugpo sa katiwalian sa lahat ng antas at ahensiya ng gobyerno, kabilang na ang Pambansang Pulisya. Anumang hakbang hinggil sa pagkamit ng hangaring ito ay dapat bigyan ng suporta,” wika pa ni Sec. Coloma.
- Latest
