Kuya dinedbol si utol sa basketbol
MANILA, Philippines - Makabagong Abel at Cain ang nangyari sa isang magkapatid nang barilin ng nakakatandang kapatid ang kanyang utol na si Pablo Cagantas Jr., 40 sa ulo sa gitna ng mainitan nilang pagtatalo sa isang basketball court kamakalawa sa Purok 6-E, Brgy. Libertad, Butuan City, Agusan del Norte.
Ang suspek na tumakas ay kinilalang si Frederick Cagantas, 45, may-asawa at residente ng Purok 6-B ng nasabi ring barangay.
Batay sa ulat, bago nangyari ang krimen dakong alas-8:30 ng umaga sa basketball court sa nasabing lugar ay galit na kinompronta ng suspek ang nakababatang kapatid sa lumang alitan nila na nauwi sa mainitang pagtatalo.
Sa kalagitnaan ng mainitang pagtatalo ay biglang binunot ng suspek ang nakasukbit na baril sa baywang at binaril ang kapatid nang malapitan sa ulo.
- Latest
