Most wanted pumalag sa warrant, napatay
MANILA, Philippines - Napatay sa isang shootout ang isang most wanted person na may ugnayan sa Bansamoro Islamic Freedom Fighters (BIFF) nang pumalag ito sa isisilbing warrant of arrest sa kanya kahapon ng umaga sa bayan ng Pikit, North Cotabato.
Kinilala ang napatay na suspek na si Datungan Gumaga, alyas Ali at Arnold Mamaluba.
Batay sa ulat na natanggap ni Capt. Joan Petinglay, tagapagsalita ng 6th Infantry Division, ganap na alas-6:40 ng umaga sa bisinidad ng Sitio Wangayen malapit sa boundary ng Barangays Ladtingan at Batulawan ay nagsasagawa ang tropa ng 6th Infantry Division kasama ang elemento ng Pikit Municipal Police Station, Task Force Pikit at Regional Police Security Battalion 12 para isilbi ang arrest warrant kay Gumaga.
Subalit, pumalag ang suspek at pinagbabaril ang mga otoridad na masuwerteng walang tinamaan.
Gumanti ng putok ang mga otoridad at napatay ang suspek.
- Latest
