LBC sa QC hinoldap

MANILA, Philippines - Tinatayang aabot sa P20,000 cash ang natangay ng mga holdaper sa isang sangay ng LBC sa Quezon City kahapon.

Batay sa ulat, bago hinoldap ang sangay ng LBC na matatagpuan sa Aurora, Brgy. E. Rodriguez sa lungsod dakong alas-7:15 ng umaga ay biglang pumasok ang isang lalaki habang nag-aasikaso ang isang babaeng kawani ng mga dokumento.

Ang suspek ay armado ng patalim na nakasuot ng kulay gray na jacket at naka-backpack at inutusan na buksan ang vault.

Nilimas ng suspek ang laman ng vault na P20,000 saka ipinasok ang babaeng kawani sa loob ng banyo at  pinaghubad ng damit bago tumakas ang una.