1-anyos todas, ina grabe sa baril ng mister
MANILA, Philippines - Isang 1-anyos na batang lalaki ang nasawi habang kritikal naman ang ina nito matapos na pagbabarilin ng lasing na ama sa loob ng kanilang bahay sa Brgy. Bata, Bacolod City kamakalawa ng gabi.
Ang nasawing sanggol dahil sa tama ng bala sa dibdib ay kinilalang si Rommel Marcelo.
Nilalapatan ng lunas sa Corazon Locsin Montelibano Memorial Regional Hospital ang ina nito na si Rose Marcelo, 35 na nagtamo ng tama ng bala sa baba.
Sa ulat, bandang alas-7:30 ng gabi ay umuwing lasing ang suspek na si Porferio Marcelo, 33 at muling inaway ang misis.
Sa halip na makipagtalo ang misis ay binuhat nito ang anak at lumabas ng bahay, subalit hinabol sila ng suspek at binaril ang misis na dumaplis sa baba, subalit tumama ito sa dibdib ng anak.
Ang suspek ay kinasuhan ng parricide at frustrated parricide.
- Latest
- Trending