Trader todas sa ambush

MANILA, Philippines - Hinarang at pinagbabaril ng mga suspek ang isang negosyante habang sakay ng kanyang motorsiklo kahapon ng madaling-araw sa Taguig City.

Nasawi noon din ang biktimang si Rodrigo Fernandez, 36, ng no. 125 Ballecer St., South Signal Village, ng lungsod dahil sa mga tama ng bala ng baril sa ulo at katawan.

Sa ulat, dakong alas-2:35 ng madaling-araw ay sakay ang biktima ng kanyang motorsiklo nang hara­ngin ng mga hindi nakilalang suspek sa may President Garcia St., Brgy. South Signal Village at pagbabarilin.

Patuloy ang pagsasagawa nang imbestigasyon ng pulisya upang matukoy ang mga suspek at motibo sa pamamaslang.