Vendor pisak sa trak
MANILA, Philippines - Pisak ang isang vendor makaraang mahagip ng isang rumaragasang trailer truck sa Navotas City, kamakalawa ng hapon.
Ang biktima ay nakiÂlalang si Edwin Fuentes, 29, cigarette vendor, nakatira sa Barangay NBBS sa lungsod.
Ang driver ng truck na kinilalang si Junnie Labrador, 21, residente ng #310 Camalig, Maycauayan, BuÂlacan ay agad naman nadakip ng mga awtoridad na ngayon ay nakakulong na sa Navotas police at inihahanda na ang kasong reckless imprudence resulting to homicide.
Base sa pagsisiyasat ng Navotas City Traffic BuÂreau, nabatid na ang inÂsidente ay naganap dakong ala-1:30 ng hapon sa kahabaan ng C-3 Road, Barangay North Bay Boulevard South ng naturang lungsod.
Ayon sa report, minamaneho ng suspek ang isang trailer truck na may plaka TXP-810 at habang binabagtas nito ang C-3 Road ay hindi nito namalayan na tumatawid ang biktima kaya ito nasapol ng gulong na nagresulta ng agarang kamatayan ng biktima.
- Latest
