Anak na dalagita kritikal… Misis tinodas ng rapist

MANILA, Philippines - Inatado nang saksak at namatay noon din ang isang 37-anyos na ginang habang kritikal ang lagay ng anak nitong dalagita matapos na manlaban sa tangkang pang­hahalay ng isang lalaki na pumasok sa kanilang bahay kamakalawa ng gabi sa Brgy. Salvacion, Tigaon, Camarines Sur.

Nasawi noon din ang biktimang si Maria Cano, habang nasa kritikal na kalagayan sa ospital ang anak nitong si Camela na sinaksak din ng suspek matapos saklolohan ang ina.

Batay sa ulat, bandang alas-8:00 ng gabi ay kasalukuyang natutulog ang mag-ina sa kanilang bahay sa nasabing lugar nang pasukin ng suspek na kinilalang si Jerry Collantes, residente ng Brgy. Ocine na sinamantala ang pag-alis sa bahay ng mister ng ginang.

Naalimpungatan ang ginang matapos na pagla­lamasin ng suspek ang maseselang bahagi ng ka­tawan at pilit nitong hinuhubaran ng panty upang halayin kaya nagpumiglas ito at nanlaban.

 Nairita naman ang na­biting suspek at pi­nag­sasaksak ang ginang kung saan tinangka naman ng anak nitong su­maklolo sa ina matapos na magising kaya pinagbalingan rin itong saksakin ng suspek. 

Ang suspek ay mabilis na tumakas at ngayon ay pinaghahanap na ng mga otoridad.