MANILA, Philippines — Malaki pa ang tsansa ng Far Eastern University Lady Tamaraws na makalaro sa Finals matapos silang akbayan ni Tin Ubaldo sa 25-23, 25-17, 25-23 panalo kontra sa National University sa NCAA Season 99 women’s volleyball tournament na nilaro sa Filoil EcoOil Centre sa San Juan, kagabi.
May hawak na twice-to-beat incentive ang last year’s runner up NU kaya kailangan pa ng isa pang panalo ang Lady Tamaraws upang tuluyang sumampa sa championship round.
Kumana si Ubaldo ng anim na puntos para sa FEU na ginulat ang mga volleyball fans matapos paamuhin ang mabangis na Lady Bulldogs.
Ginulat ng Lady Tamaraws ang Lady Bulldogs, sinuwag ng una ang huli para makuha ang panalo sa set 1.
Nakakuha ang NU ng twice-to-beat advantage matapos nilang manguna sa elimination round.
Binigyan ng bonus ang top two teams pagkatapos ng 14-game elims at nakuha ng No. 2 seed University of Santo Tomas Golden Tigresses ang isa.
Parehong nagtala ng 12-2 records ang NU at UST pero lumanding ang Lady Bulldogs sa unahan habang pumuwesto sa pangalawa ang Golden Tigresses.