MANILA, Philippines — Nagpakitang gilas sina wushu aces Mark Ragay, Mark Polo at Vincent Ventura at iba pang topnotch martial artists para sa bansa sa global stage sa buwan ng Nobyembre.
Inangkin nina Ragay, Polo at Ventura ang gold medal sa taolu men’s duallian sa 16th World Wushu Championships sa Texas, USA para pamunuan ang honor roll ng Philippine Sportswriters Association (PSA) sa nakalipas na buwan.
Kumuha ng silver sina Agatha Wong (taolu women’s taijijian), Arnel Mandal (sanda men’s 52kg), Clemente Tabugara Jr. (sanda men’s 65kg) at Jennifer Alipio (sanda women’s 48kg) at may bronze si Russel Diaz (sanda men’s 48kg).
Nagreyna si Hergie Bacyadan sa women’s -66kg class ng World Vovinam Championships sa Ho Chi Minh City.
Inangkin ni Patrick King Perez ang mixed pair gold kasama si Jocel Nibobla sa World Taekwondo Poomsae Open Challenge.