Tropang Giga kampeon sa 1st leg
MANILA, Philippines — Itinakas ng TNT Tropang Giga ang 21-19 overtime win laban sa Meralco para pagharian ang first leg ng PBA 3x3 Season 2 First Conference kahapon sa Robinsons Place Antipolo.
Umiskor si Almond Vosotros ng 9 points, habang may 8 at tig-2 markers sina Ping Exciminiano, Lervin Flores at Samboy de Leon, ayon sa pagkakasunod.
Ibinulsa ng Tropang Giga ang premyong P100,000 at nakuntento ang Bolts sa P50,000.
Ito ang pang-anim na leg title ng TNT simula noong Season 1.
Tumipa sina Tonino Gonzaga at Alfred Batino ng tig-6 points sa panig ng Meralco.
Bumangon ang Bolts mula sa 15-19 agwat para kumpletuhin ang pagpuwersa ng overtime, 19-19.
Kumonekta naman ng layup si De Leon sa extra period para sa 20-19 bentahe ng Tropang Giga.
Ang pasa ni Vosotros kay Exciminiano ang nagresulta sa game-winning drive nito.
Samantala, tinalo naman ng Platinum Karaoke ang baguhang J&T Express, 12-10, para sa third place.
- Latest