Baldwin tahimik sa isyu

MANILA, Philippines — Tahimik si dating Gilas Pilipinas head coach at Samahang Basketbol ng Pilipinas program Tab Baldwin sa gitna ng mainit na isyu sa mundo ng Philippine basketball.

Sa halip, nagtungo ito sa social media para sa isang makahulugang post na tila sagot sa mga ibinabato sa kanya.

“We few, We happy few, We Band Of Brothers. For He today that sheds his blood for me shall be my brother. #BEBOB,” ayon sa post ni Baldwin.

Nakiisa ang ilang pla­yers ng Ateneo de Manila University men’s basketball team na tila sumusuporta kay Baldwin.

Nangunguna na rito sina Thirdy Ravena, Isaac Go, Mike Nieto, SJ Belangel, William Navarro, Gian Mamuyac at Tyler Tio na nagpost din ng parehong quotation.

Sumali rin sina Adrian Wong,  Anton Asistio, Dave Ildefonso, Jolo Mendoza, Kyle Ong, JC Fetalvero, Bryan Andrade, Jacob Lao, Jason Credo, Patrick Maagdenberg at Matthew Daves.

Nag-ugat ito matapos ibato ni SBP president Al Panlilio ang sisi sa kasalukuyang estado ng Philippine basketball kay Baldwin.

Bumuhos ang suporta kay Baldwin mula sa mga basketball fans sa bansa.

Ilang Pinoy fans ang nagprotesta na ibalik si Baldwin sa coaching staff ng Gilas Pilipinas.

Malaki ang naging papel ni Baldwin sa programa ng SBP sa mga nakalipas na mga taon.

Tinulungan nito ang bagitong Gilas squad na maipanalo ang mga krusyal na laro sa mga FIBA tournaments kabilang na ang mga panalo kontra sa South Korea.