NEW YORK — Humiling si superstar Kevin Durant ng trade sa Brooklyn Nets para makalipat ng ibang koponan sa pagbubukas ng free agency kahapon.
Maaaring puntahan ni Durant, isang two-time NBA champion sa Golden State Warriors, ang Phoenix Suns o ang Miami Heat.
Inaasahang hihingi ng malaking kapalit ang Nets bago pakawalan ang 33-anyos na si Durant na muling pumirma ng four-year, $198 million deal sa Brooklyn noong 2021 matapos lumipat noong 2019 galing sa Golden State.
Nakasama ni Durant sa Nets sina point guard Kyrie Irving at James Harden na dinala sa Philadelphia 76ers via trade.
Samantala, pumirma si two-time reigning MVP Nikola Jokic ng supermax extension na nagkakahalaga ng $264 milyon para manatili sa Denver Nuggets.
Pumayag din si Bradley Beal sa isang five-year, $251 million contract extension para patuloy na maglaro sa Washington Wizards.
Inaasahan ding makakakuha ng supermax deals sina Minnesota Timberwolves’ center Karl-Anthony Towns, Phoenix Suns’ guard Devin Booker, Ja Morant ng Memphis Grizzlies, Tyler Herro ng Miami Heat at Zion Williamson ng New Orleans Pelicans.