Heavyweight clash
Maagang magkakasukatan ng lakas sa PBA Season 47 ang dalawang titans sa paghaharap ngayon ng San Miguel Beer at Barangay Ginebra sa Mall of Asia Arena.
Duel of heavyweights.
Ito ang isa sa pasok na katawagan sa banggaan na ito — matchup ng dalawang koponan na kumopo ng 14 championships sa huling labingwalong konperensya ng liga.
Walo ang sa San Miguel Beer at anim naman ang sa Barangay Ginebra.
Sister teams sila sa giant SMC umbrella, pero bakbakang umaatikabo kapag nagharap sa hardcourt.
At yan ang inaasahan sa kanilang 6 p.m. setto sa Pasay City playing venue.
Mithiin nina June Mar Fajardo at teammates na isustina ang unbeaten winning run (3-0), samantalang target nina Scottie Thompson at mga kakampi (3-1) na tigbakin ang mga Beermen upang agawin ang tournament leadership.
Syempre parehong kampeonato ang end goal ng dalawang premyadong koponan.
Nais palawigin ng Gin Kings ang lumalagong dynasty, sila na ruling team sa kasalukuyan – kampeon ng tatlong beses sa huling apat na PBA conferences.
Habol naman ng Beermen na ibalik ang kanilang pamamayagpag, highlighted ng limang sunod na Philippine Cup championships simula noong 2014-15 campaign.
Friday grindout? Malamang!
- Latest