Alapag suportado si Sotto
MANILA, Philippines — Katulad ng buong sambayanan pati na ang ibang Pilipino sa bawat sulok ng mundo, buo ang suporta at tiwala ni coach Jimmy Alapag sa misyon ni Kai Sotto na maging kauna-unahang Filipino homegrown player sa NBA.
Kasalukuyang assistant coach si Alapag ng Stockton Kings sa NBA G League at umaasang makakasama na rin ang 7-foot-3 Filipino sensation na sa NBA umbrella.
“I’m very excited for Kai and this next chapter of his basketball career. There’s nothing like working toward an opportunity to compete against the best in the world,” ani Alapag, miyembro ng PBA 40 Greatest Players at long-time team captain ng Gilas Pilipinas.
Noong nakaraang taon ay umukit ng sariling kasaysayan si Alapag nang mapasama sa coaching staff ni Bobby Jackson sa affiliate team ng Sacramento Kings sa G League matapos ang kanyang kontribusyon sa 2022 NBA Summer League championship ng koponan.
Ngayon ay posibleng may isa na namang Filipino pride na makakatapak sa NBA world sa katauhan ni Sotto.
“I wish him nothing but the best in the coming weeks leading up to the NBA Draft,” dagdag ni Alapag.
Nagdeklara si Sotto noong nakaraang linggo ng kanyang pagsali sa 2022 NBA Rookie Draft matapos ang impresibong international pro league debut sa Australia National Basketball League (NBL) para sa Adelaide 36ers.
Sa kabila ng limitadong playing time ay nagrehistro si Sotto ng mga averages na 7.52 points, 4.48 rebounds at 0.7 block sa 22 laro.
Posibleng sundan ni Sotto sa NBA sina Fil-Ams Jordan Clarkson ng Utah Jazz at Jalen Green ng Houston Rockets.
- Latest
