3 ginto nawala sa Pinas sa Vietnam SEAG
MANILA, Philippines — Tatlong potensyal na gold medals ang nawala sa Team Philippines sa pagsabak sa nalalapit na 31st Southeast Asian Games sa Hanoi, Vietnam.
Nagkaroon kasi si Fil-Am trackstar Kristina Knott ng foot injury kaya hindi na matatarget ang kanyang ikalawang sunod na ginto sa women’s 200-meter run.
Bukod sa gold medal sa 200m ay nagtakbo rin si Knott ng dalawang silver medals sa 100m at 4x100m relay noong 2019 Manila SEA Games.
Hindi rin makakalahok sa Vietnam SEA Games, nakatakda sa Mayo 12-23, ang magkapatid na sina Yacine at Said Guermali.
Problemado si Yacine sa kanyang school schedules sa US, habang may injury naman si Said.
Hindi kasama sa national team ang Guermali brothers nang humakot ang bansa ng kabuuang 11 gold, 8 silver at 8 bronze medals noong 2019 edition.
Sian World No. 5 pole vaulter Ernest John Obiena, hurdler at sprinter Eric Cray, shot putter William Morrison III, marathoner Christine Hallasgo, pole vaulter Natalie Uy at hurdler Clinton Bautista ang babandera sa Pilipinas sa Vietnam SEA Games.
- Latest
