Ratsada ang Appmasters
Patuloy na dominante ang koponang Limitless App – binubuo nina Brandon Rosser, Jorey Napoles, Marvin Hayes at Reymar Caduyac – sa PBA 3x3.
Humugot sila ng karagdagang karangalan nang mapanalunan ang Leg 5 ng PBA 3x3 Second Conference noong nakaraang gabi sa Smart Araneta Coliseum.
Magandang paramdam ito para sa koponang nakatakdang itayo ang bandila ng bansa sa parating na 3x3 competition sa 2022 Southeast Asian Games sa Hanoi, Vietnam.
Dahil kampeon ng PBA 3x3 First Conference, sina Rosser, Napoles, Hayes at Caduyac ang naatasan na idepensa ang titulong nakamit nina CJ Perez, Chris Newsome, Mo Tautuaa at Jason Perkins sa inaugural SEAG 3x3 basketball noong 2019 Manila edition.
Patuloy ang ratsada ng Appmasters sa PBA 3x3 Second Conference.
At tiwala ang SBP leadership, idederetso nila ang kanilang dominant run hanggang sa Hanoi Games.
Malaki ang tulong ng PBA 3x3 sa paghahasa at pagpapalawig ng three-a-side basketball sa bansa.
Magkasanib ang SBP at PBA sa hangarin na ma-develop nang husto ang mga Pinoy sa 3x3 basketball at marating ang Olympics competition sa 2024 Paris Games.
Bago ito, ang immediate goal eh, ang double-gold sa SEA Games.
Malamang na walang ligwak ang gold sa 5-on-5 basketball dahil mga PBA superstars at talented Gilas youth ang isasabak ni coach Chot Reyes.
- Latest