Naurong na AIMAG sa Thailand mas mapapaghandaan ng Philippine athletes
MANILA, Philippines — Mas magiging handa ang Team Philippines sa pagsabak sa 6th Asian Indoor and Martial Arts Games matapos ilabas kahapon ng Olympic Council of Asia (OCA) ang bagong petsa ng ini-urong na AIMAG na idaraos sa Bangkok at Chonburi, Thailand.
Itinakda ang AIMG sa Nobyembre 17 hanggang 26 ng taong 2023 mula sa orihinal na petsang Marso 10-19, 2022.
“The postponement would allow our athletes to be better prepared for the AIMAG, which ranks as one of the most important multi-sport competitions in the continent,” ani Philippine Olympic Committee (POC) president at Tagaytay City Rep. Abraham “Bambol” Tolentino.
Isasabak ng Pinas ang 160 atleta sa 21 events sa kabuuang 31 sports disciplines para sa 2023 Thailand AIMAG.
Nauna nang hiniling ni Tolentino sa House of Representatives at Senate na isama ang AIMAG bilang isa sa mga budget priorities para sa 2022.
Pinagbigyan ng OCA ang request ng Thailand at ng National Olympic committee (NOC) nito na iatras ang pagho-host nila sa AIMAG sa 2023 dahil sa COVID-19 pandemic.
“The OCA fully understands and respects the decision of the NOC of Thailand, Thailand AIMAG Organizing Committee and the Royal Thai government to postpone (the Games) due to the COVID-19 global pandemic,” ani OCA acting president Raja RandhirSingh sa sulat niya kay Thai NOC president Gen. Prawit Wongsuwon.
- Latest