Malditas pasok sa Asia Cup
MANILA, Philippines — Nagmaldita ang Philippine Women’s National Football Team nang makasikwat ng puwesto sa 2022 AFC Women’s Asian Cups matapos payukuin ang Hong Kong, 2-1, sa Asian Cup Qualifiers na ginanap sa JAR Stadium sa Tashkent, Uzbekistan.
Hindi pa man nagsisimula ang laban kontra sa Hong Kong, nangunguna na ang Malditas sa Group F tangan ang tatlong puntos.
Kailangan lang ng Malditas ng draw kontra sa Hong Kong para maipormalisa ang pagpasok sa Asian Cup na idaraos sa India sa susundo na taon.
Ito ang ikalawang sunod na pagkakataon na nag-kuwalipika ang Malditas sa Asian Cup at ika-10 overall ng Pilipinas sa torneo.
Umiskor si Tahnai Annis sa ika-17 minuto habang nagdagdag si Chandler Blue McDaniel ng isa pa sa ika-87 minuto ng laban. Tanging si Chung Pui Ki ang nakapuntos para sa Hong Kong sa ika 61 minuto.
- Latest