May pabahay din sa 3-boxers sa Tagaytay

MANILA, Philippines — Hindi lamang si Olympic Games gold medalist Hidilyn Diaz ang magkakaroon ng house and lot sa Tagaytay City.

Inihayag kahapon ni Philippine Olympic Committee (POC) president at Tagaytay City Rep. Abraham ‘Bambol’ Tolentino na ito rin ang ibibigay niya kina Olympic silver medal winners Carlo Paalam at Nesthy Petecio at bronze medalist Eumir Felix Marcial.

“Bibigyan rin natin sila ng pabahay na puwede nilang ibigay sa kanilang mga pamilya,” wika ni Tolentino kina Paalam, Petecio at Marcial.

Si Paalam ay tubong Cagayan de Oro, habang sina Petecio at Marcial ay mula sa Davao del Sur at Zamboanga City, ayon sa pagkakasunod.

“Malaking bagay po ito para sa akin at sa pamil-ya ko,” ani Paalam, dating nakatira sa isang barung-barong malapit sa isang landfill sa Carmen, Cagayan de Oro kung saan siya na-ngangalakal ng basura.

Kamakailan ay inihayag ni Tolentino na bibigyan ng POC kasama si Manny V. Pangi-linan ng MVP Sports Foundation ng tig-P500,000 ang mga Olympic non-medalists.

Ang mga ito ay sina pole vaulter Ernest John Obiena, gymnast Carlos Yulo, skateboarder Margielyn Didal, boxer Irish Magno, rower Cris Nievarez, taekwondo jin Kurt Barbosa, judoka Kiyomi Watanabe, weightlifter Elreen Ando, golfers Yuka Saso, Bianca Pagda-nganan at Juvic Pagunsan, sprinter Kristina Knott, swimmers Remedy Rule at Luke Gebbie at shooter Jayson Valdez.