Thirdy Ravena nag-practice na kasama ang San-En NeoPhoenix
MANILA, Philippines — Nagsimula nang makipag-ensayo si UAAP Champion Thirdy Ravena sa San-en NeoPhoenix makaraang tapusin ang mandatory 14-day quarantine at inaaasahang mangyayari ang kanyang debut game sa Japan B. League sa Nobyembre 7.
Inaasahang sasalang si Ravena sa laban ng NeoPhoenix kontra sa Shimane Susanoo Magic.
Malugod na tinanggap ng Japanese team si Ravena sa kanyang unang practice at mayroon pang photoshoot at live interview sa messaging app na Line.
Inaasahang matu-tulungan ni Ravena ang kanyang bagong team na makaangat sa pagiging kulelat sa torneo kung saan nakaka-isang panalo pa lang ang San-en kontra sa Kyoto Hannaryz, 94-75 noong Oct. 28.
Marami nang na-miss na laro si Ravena dahil nagkaproblema siya sa Japanese visa kaya nahuli siya ng dating.
- Latest
