Chery Tiggo, Generika babawi sa kabiguan

MANILA, Philippines — Matapos ang malasap ang huling kabiguan ay pakay ng Chery Tiggo na muling makabalik sa win-column, habang gusto na­mang tuldukan ng Ge­nerika-Ayala ang pagka­kalu­bog sa pagbangga sa ka­nilang mga kalaban sa 2020 Philippine Superliga (PSL) Grand Prix ngayon sa The Arena sa San Juan City.

Makakalaban  ng mga Crossovers ang PLDT Home Fibr Hitters nga­yong alas-5 ng hapon at susundan ng tapatan ng Lifesavers at Marinerang Pilipina Lady Skippers sa alas-7 ng gabi.

Nabigo ang Chery Tiggo na madagit ang ika­lawang sunod na pana­lo sa torneo matapos silang walisin ng nagdedepensang Petron Blaze Spi­kers, 17-25, 22-25, 25-21, noong Sabado.

Hindi naging sapat ang 21 points ni Monte­negro hitter Tatjana Bokan para patahimikin ang Blaze Spikers na binan­derahan naman ni American swinger Khat Bell.

Aasahan muli ni head coach Aaron Velez si Bokan para pamunuan ang Chery Tiggo ka­tuwang si­na My­lene Paat, Jas­mine Na­­bor, Shaya Ado­rador, Marian Buitre at Jen Re­yes.

Samantala, pipili­tin naman ng Generika-Aya­la na tul­dukan ang ka­nilang two-game lo­sing skid at tikman ang tamis ng unang ta­gumpay sa import-la­den confe­rence.

Nalasap ng Lifesa­vers ang ikalawang sunod na kamalasan ngayong taon sa mga kamay ng Cignal HD Spikers matapos si­lang pahiyain, 25-19, 18-25, 20-25, 20-25, sa unang pag­haharap nila no­­ong Mar­so 3.

Ta­tar­getin ng tropang ma­ka­bawi sa pangunguna ni Cu­ban import Eli­za­beth Vicet Campos.