Bucks dinurog ang Celtics

MILWAUKEE -- Ipinagpatuloy ng Bucks ang kanilang pananalasa matapos patumbahin ang Boston Celtics, 128-123  tampok ang 32 points, 17 rebounds at 7 assists ni star forward Gian-nis Antetokounmpo.

Ito ang pang-35 double-double ni Anteto-kounmpo ngayong season.

Nagdagdag si Khris Middleton ng 23 markers para sa NBA best record na 37-6 ng Milwaukee, sumasakay ngayon sa five-game winning streak.

Kinuha ng Bucks ang 76-58 abante sa halftime hanggang lumapit ang Cel-tics sa 81-87 sa huling 5:16 minuto ng third period.

Tinapos naman ng Milwaukee ang nasabing yugto sa pamamagitan ng 19-6 atake patungo sa pagtatayo ng 127-123 bentahe sa natitirang 38 segundo sa fourth quarter.

“I think the end of the third quarter was pretty big,” sabi ni Bucks head coach Mike Budenholzer. “To finish the quarter up 19 was important because we needed all of that in the fourth quarter.”

Humataw si Kemba Walker ng game-high na 40 points para banderahan ang Celtics na nag-laro nang wala si Jaylen Brown, nagkaroon ng sprained right thumb sa nauna nilang 13-point loss sa Detroit Pistons noong Miyerkules.

Sa New Orleans, nagpasabog si Brandon Ingram ng career-high na 49 points at tinapos ng Pelicans ang 10-game winning streak ng Utah Jazz sa pamamagitan ng 138-132 overtime win.

Inangkin ng Utah ang 132-127 abante mula sa triple ni Bojan Bogdanovic sa huling 2:28 minuto sa overtime, ngunit nabigong makaiskor sa kanilang mga posesyon na sinamantala nina Derrick Favors at E’Twaun Moore para sa panalo ng New Orleans.

Sa Los Angeles, nagposte si Kawhi Leonard ng 32 points, 5 rebounds at 5 assists habang tumapos si Montrezl Harrell na may 21 markers para tulungan ang Clippers sa 122-95 paggupo sa Orlando Magic.