Harden inihatid ang Rockets sa panalo
HOUSTON – Ngayong walang injury sa hanay ng mga players ng Rockets ay nasasabik si James Harden sa maaari nilang marating.
Humataw si Harden ng 35 points sa kanyang pagbabalik mula sa injury para hatakin ang Houston sa 130-104 panalo laban sa Denver Nuggets.
Bukod kay Harden, nagkaroon ng sprained right toe sa kanilang kabiguan sa New Orleans Pelicans noong Linggo, sumabak din sa aksyon sina Clint Capela (bruised heel) at Russell Westbrook (load management).
Muli ring nakita sa aksyon si Eric Gordon matapos mawala ng anim na linggo bunga ng kanyang arthroscopic knee surgery.
“We’ve just got to find a way,” sabi ni Harden. “It will get there. We’re not where we want to be obviously. It’s still early in the season.”
Nagdagdag si Westbrook ng 28 points.
Isang 19-3 atake ang ginawa ng Houston sa fourth quarter para ibaon ang Denver sa 118-96 sa huling 3:30 minuto nito.
Pinamunuan ni Nikola Jokic ang Nuggets, nagtapos ang two-game winning streak, mula sa kanyang 21 points.
Sa Toronto, tumipa si Kyle Lowry ng 24 points para sa 117-97 paggiba ng Raptors sa Cleveland Cavaliers.
Nagtala si Serge Ibaka ng 20 points at 10 boards.
Sa Oklahoma City, umiskor sina Danilo Gallinari at Dennis Schroder ng tig-20 points at naikonekta ni Chris Paul ang basket sa huling 40.9 segundo para akayin ang Thunder sa 106-101 panalo sa Dallas Mavericks.
Sa San Antonio, nagtala si DeMar DeRozan ng 24 points para sa 117-113 overtime win sa Golden State Warriors.
- Latest
