Usapang SEA Games sa PSA Forum

MANILA, Philippines — Ang matagumpay na kampanya ng Team Philippines sa nakaraang 30th Southeast Asian Games ang pag-uusapan sa final session ng Philippine Sportswriters Association (PSA) Forum para sa taong 2019 ngayon sa Amelie Hotel-Manila.

Sina Philippine Sports Institute National Training Director Marc Velasco at Philippine Sports Commission (PSC) Executive Director Atty. Guil-lermo Iroy ang tatalakay sa ipinakita ng mga atleta sa 2019 SEA Games sa programang nakatakda sa alas-10 ng umaga.

Sina Velasco at Iroy ang kakatawan kay Team Philippines Chef De Mission at PSC chairman William ‘Butch’ Ramirez sa weekly forum na inihahandog ng San Miguel Corp., Braska Restaurant, Amelie Hotel at Philippine Amusement and Gaming Corporation (PAGCOR).

Bibisita rin ang bagong World Boxing Organization (WBO) bantamweight champion na si Johnriel Casimero kasama si Manny Pacquiao Promotions President Sean Gibbons.

Galing si Casimiro sa third round stoppage kay South African Zolanie Tete sa Birmingham, England para angkinin ang WBO 118-lb. belt.