Clippers wagi sa Mavs

DALLAS -- Matibay na depensa ang ipinalasap ng Los Angeles Clippers para limitahan ang 20-an-yos na si Luca Doncic.

Humugot si Paul George ng 17 sa kanyang 26 points sa first quarter habang may 28 markers si Kawhi Leonard para sa 114-99 paggupo ng Clippers kontra sa Mavericks.

Dumiretso ang Los Angeles sa pang-anim na sunod na arangkada at winakasan ang five-game winning streak ng Dallas.

Gumamit ang Clippers ng ilang defenders para limitahan si Doncic, may franchise-record streak na apat na laro kung saan siya humataw ng 30 points at 10 assists.

Tumapos ang Slovenian guard na may 22 points, 8 rebounds at 6 assists para sa Mavericks..

Napuwersa siya sa 4-of-13 fielgoal shooting, kasama dito ang 0-for-7 sa 3-point range.

Sa Denver, kumolekta si center Nikola Jokic ng season-high 20 rebounds at humataw si Jerami Grant ng season-best 20 points para akayin ang Nuggets sa 117-104 pagpapatumba sa Washington Wizards.

Ito ang ikaanim na sunod na ratsada ng Denver.

Naglista si Will Barton ng 17 points, 8 rebounds at 8 assists para sa Nuggets, habang nagdagdag sina Jamal Murray at Mason Plumlee ng 16 at 15 markers, ayon sa pagkakasunod.