Westbrook aalis na sa Thunder

OKLAHOMA CITY - Sa paglipat ni Paul George sa Los Angeles Clippers para makasama si Kawhi Leonard ay tatanggapin ni Russell Westbrook ang plano ni general manager Sam Presti na i-trade siya at tapusin ang kanyang 11-year career sa Thunder.

Nagpahayag ang Miami Heat ng kanilang interest kay Westbrook. Pinag-uusapan na ni Westbrook at ng kanyang agent na si Thad Foucher ang mga trade possibilities at scenarios kay Presti.

Ang 30-anyos na si Westbrook ay may apat na taon sa kanyang kontrata sa Thunder na nagkakahalaga ng $170 milyon.

Gusto ni Westbrook na maglaro para sa koponang lalaban para sa NBA Finals kaya binura na niya ang Thunder matapos iwanan ni George para makipagtambal kay Leonard sa Clippers.

Kaagad nasibak ang Oklahoma City sa opening round ng Western Conference playoffs sa ikatlong sunod na season.

Nakakuha ang Oklahoma City ng anim na future first-round picks sa nakaraang tatlong araw sa kanilang mga pinasok na trades sa Clippers (George) at Denver Nuggets (Jerami Grant) kasama ang dalawang first-round picks (2021, unprotected; 2023, protected) sa Miami.

Interesado rin kay Westbrook ang Detroit Pistons, Orlando Magic, Minnesota Timberwolves at New York Knicks.

Pumirma na rin si Ave-ry Bradley ng two-year, $9.7 million deal sa Lakers.