May paghuhugutan ang Golden state

OAKLAND, California - Ito na ang magiging pinakahuling laro ng Golden State Warriors sa Oracle Arena kung saan nila itinayo ang kanilang ‘dynasty’.

Maglalaro rin ang Warriors para kay injured star Kevin Durant sa hangaring maitabla ang kanilang best-of-seven championship series ng Toronto Raptors.

Nakatakda ang Game Six ng NBA Finals nga-yon sa Oracle Arena.

“We’re just thinking about enjoying this last show at Oracle,” ani Golden State guard Klay Thompson. “I expect our fans to be the loudest they’ve ever been, especially in the name of Kevin and bringing his type of spirit to the fight and the competitiveness.”

Sa pagbibida nina Thompson at Stephen Curry ay hinablot ng Warriors ang 106-105 panalo laban sa Raptors sa Game Five sa Toronto para idikit sa 2-3 ang  kanilang serye.

“To protect our home court, feed off our crowd’s energy, play for K and try to keep our season alive, there are a lot of things that you can tap into for energy,” sabi ni Golden State guard Stephen Curry. “We’ll be ready.”

Kukuha ang Golden State ng inspirasyon mula kay Durant na nagkaroon ng ruptured right Achilles tendon nang maglaro sa Game Five.

Pinilit ni Durant na maglaro kahit na kaga-galing pa lamang niya sa right calf injury na nagpaupo sa kanya ng halos isang buwan.

Sumailalim si Durant, ang Most Valuable Player sa nakaraang hu-ling dalawang NBA Finals, sa operasyon bago ang final arena practice ng Golden State noong Miyerkules.

“It’s going to be an epic night for sure,” ani Warriors center DeMarcus Cousins. “Going to be a lot of emotions and a lot of passion in the building.”

Kung makakatabla ang Golden State ay gagawin ang Game Se-ven sa Toronto sa Lunes (Manila time).

“That definitely comes into play,” ani Warriors forward Draymond Green. “We’ve all seen his love for the game. Those 11 minutes he played were enough to give us the spark we needed. So now we want to continue to try to build on that.”