Denver vs Portland

DENVER- Tumapos si Nikola Jokic na may triple-double at kumonekta si Jamal Murray ng clutch floater sa huling 36.8 segundo para ihatid ang Nuggets sa 90-86 panalo kontra sa San Antonio Spurs sa Game 7 ng kanilang first-round series.

Nagtala si Jokic ng 21 points, 15 rebounds at 10 assists.

Pumasok ang Denver sa second round matapos ang 10 taon para harapin ang Portland Trail Blazers.

Nagtala ang Nuggets ng 17-point lead sa third quarter bago nakadikit ang Spurs sa two-point deficit sa huling 52 segundo ng laro.

Sa Toronto, bumida sina Kawhi Leonard  at Pascal Siakam para kaagad ibigay sa Raptor ang panalo sa second round.

Kumamada si Leonard ng career playoff-high na 45 points at sumikwat ng 11 rebounds para pamunuan ang Toronto sa 108-95 pagpapabagsak sa Philadelphia 76ers sa Game One ng kanilang Eastern Conference semifinal series.

Umiskor si Siakam ng 29 points para sa 1-0 abante ng Raptors sa kanilang best-of-seven semis showdown ng 76ers.

Tumanggap si Leonard, naduplika ang kanyang career-best scoring total noong Enero 1 laban sa Utah Jazz, ng standing ovation nang ipahinga sa huling 3:14 minuto ng fourth period kung saan tangan ng Toronto ang 107-88 abante laban sa Philadelphia.

Nag-ambag si Kyle Lowry na may 9 points at 8 assists para sa Raptors, naglista ng 20-point lead laban sa 76ers, patungo sa kanilang pang-limang sunod na postseason victory na isang franchise record.

Kumolekta naman si Tobias Harris ng 14 points at 15 rebounds at tumipa si JJ Redick ng 17 markers sa panig ng Philadelphia, nagtapos ang four-game playoff winning streak.