Clemente, Martinez kumubra ng ika-3 ginto
ILOILO CITY, Philippines — Lumangoy pa ng dalawang gintong medalya si Gulliver Clive Clemente ng Antique sa swimming, habang dinomina naman ni Kate Julienne Martinez ng Bago City ang girls’ javeline throw sa 2019 Batang Pinoy Visayas Leg kahapon dito sa Iloilo City Sports Complex.
Kapwa humakot sina Clemente at Martinez ng tig-tatlong gold medals.
Nagwagi ang Grade 8 student ng Antique National High School na si Clemente sa boys’ 13-15-year 400-meter IM (5:18.92) at sa 50m breaststroke (33.48) matapos bumandera sa 200m IM (2:26.75) noong Lunes.
Si Martinez naman, isang Grade 8 student sa Ramon Torres National High School, ay nagwagi sa girls’ javeline throw (27.70m) para idagdag sa nauna na niyang panalo sa shot put at discuss throw.
Kumuha rin ng dalawang ginto sina Prisa Helen Lofranco ng Dumaguete City mula sa archery sa girls’ cadet 30m at 40m events at teammate na si Naina Tagle sa girls’ cub 20m at 30m events, habang nanalo si Alexie Kouzenye Cabayaran ng Negros Occidental sa girls’ 13-15-year 100m freestyle (1:02.36) at 50m backstroke (32.01) noong Lunes.
- Latest
