Thunder mas mainit sa Heat
MIAMI — Humataw si Paul George ng 43 points at nagsalpak ng career-high 10 three-pointers habang humugot si Dennis Schroder ng 24 sa kanyang 28 markers sa second quarter para pamunuan ang Oklahoma City Thunder sa 118-102 paggupo sa Heat.
Ito ang pang-pitong sunod na ratsada ng Thunder.
Inilista naman ni Russell Westbrook ang kanyang panglimang sunod na triple-double at pang-18 sa season sa tinapos na 14 points, 12 rebounds at 14 assists at nagdagdag si center Steven Adams ng 13 markers para sa Oklahoma City, tinalo ang Mia-mi sa ikaanim na sunod na pagkakataon.
Naglista si Kelly Olynyk ng 21 points sa panig ng Heat, nahulog sa No. 8 spot sa Eastern Conference habang tumipa si Josh Richardson ng 18 markers.
Kumolekta si slotman Hassan Whiteside ng 12 points at 16 rebounds para sa Miami.
Si Heat guard Dwyane Wade ay isinama sa All-Star, nakatakda sa Pebrero 17 sa Charlotte, sa pang-13 pagkakataon matapos magdesisyon si NBA Commissioner Adam Silver na isama ang star guard at si Dallas Mavericks legend Dirk Nowitzki.
Sa New York, nagtala si Kyrie Irving ng 23 points, 10 rebounds at 6 assists sa harap ng humaranang Madison Square Garden crowd para banderahan ang Boston Cel-tics sa 113-99 panalo laban sa Knicks.
- Latest
