56-sports inaprubahan ng SEAG Federation
MANILA, Philippines — Inaprubahan ng Southeast Asian Games Fede-ration Council ang 56 sports na lalaruin sa 30th Southeast Asian Games na idaraos sa iba’t ibang panig ng Pilipinas sa susunod na taon.
Hinati ng council ang mga disiplina sa tatlong kategorya.
Nasa Category 1 ang mandatory events na athletics at aquatics.
Pasok naman sa Category 2 ang archery, badminton, baseball/softball, basketball, billiards, tenpin bowling, boxing, canoe/traditional boat race, chess, cycling, dance sport, fencing, football, golf, gymnastics, handball, hockey, ice hockey, ice skating, judo, karatedo, modern pentathlon, muay, pencak silat, polo, rowing, rugby sevens, sailing/ windsurfing, sepak takraw, skateboarding, shooting, soft tennis, squash, surfing, table tennis, triathlon, volleyball, weightlifting, wrestling at wushu.
Isinama sa Category 3 ang arnis, E-sports, floorball, jujitsu, kickboxing, kurash, lawn bowls/petanque, netball, obstacle course, sambo/vovinam, underwater hockey at wakeboarding.
Kasama sina Philippines Southeast Asian Games Organizing Committee (PHISGOC) Exe-cutive Board Foreign Affairs Secretary Alan Peter Cayetano, Philippine Sports Commission chairman Butch Ramirez at Philippine Olympic Committee president Ricky Vargas sa mga dumalo sa federation council meeting.
Ayon kay PHISGOC Executive Director Ramon Suzara, nakatakdang bisitahin ng SEAG Federation Council members ang ilang venues sa Clark at Subic.
Muling magtitipun-tipon ang Chefs de Mission ng 11 bansang kasapi sa Nobyembre 29 hanggang Disyembre 1 para sa Philippine SEA Games One Year Countdown Celebration na gaganapin sa Bayanihan Park Clark sa Angeles City, Pampanga.
Ito ang magsisilbing simula ng countdown para sa pagtataguyod ng bansa ng SEA Games sa ikaapat na pagkakataon.
- Latest