Makasaysayang pagbubukas ng 2018 Philippine National Games

Cebu City, Philippines – Binuksan ni Pangulong Rodrigo R. Duterte kahapon ang ikasiyam na pagdaraos sa Philippine National Games sa Cebu City Sports Center dito.

Ito pa lang ang unang pagkakataon na ang Presidente ng bansa mismo ang nagbukas sa PNG mula nang ito ay inum-pisahan bilang brainchild ni dating POC president at dating PSC commissioner Celso Dayrit sa pamamagitan ng Presidential Executive Order No. 163 ni dating Pangulong Fidel V. Ramos noong 1994.

Bukod kay Pangulong Duterte, nagbigay din ng inspirational messages sina co-hosts Mayor Tomas Osmeña ng Cebu City at Gov. Hilario Davide III ng Cebu Province at Philippine Sports Commission chairman William “Butch” Ramirez.      

Sa una ring pagkaka-taon binuksan ang PNG na ang four-time PBA MVP Ramon Fernandez ang nagsindi sa symbolic “Urn of Peace” kasama sina da-ting taekwondo champion Monsour del Rosario.

Kasama rin nina PSC commissioner Fernandez at Makati Rep. Del Rosario sina  dating long jump Queen Elma Muros, bi-lliards champion Django Bustamante, dating bowling champion Bong Coo, 1996 Atlanta Olympiad silver medalist Onyok Velasco, chess Grandmaster Eugene Torre at 2016 Rio Olympic Games silver medalist Hidilyn Diaz.

Pinangunahan din ng 27-anyos na si Diaz na tubong Zamboanga City ang Oath of Athletes” sa nasabing seremonyas. 

“It is an honor and a privilege to have our President as guest of honor. His presence is definitely a huge morale-booster to our athletes, especially now that they are looking to win the overall title in the SEA Games here in the Philippines next year,” sabi ni Ramirez.

Ang ibang dumalo sa opening rites ay sina Communications Sec. Martin Andanar, Cabinet Sec. Leoncio Evasco, Executive Sec. Salvador Medialdea at  Educations Sec. Leonora Briones.

Kabuuang 96 local goverment units (LGUs) kabilang na ang 28 mula sa Luzon, 15 sa NCR, 26 sa Visayas at 27 mula sa Mindanao ang maglalaban-laban sa Php 5 million top prize, Php 4 million sa second, Php 3 million sa third, Php 2 million sa fourth at Php 1 million sa fifth overall finisher.

Ang mahigit 4,000 atleta kabilang na ang mga miyembro sa national team na kumatawan sa kanilang magkahiwalay na cities at probinsiya ay magtatagisan ng husay sa 22 sports discipline na may 770 golds, 770 silvers at 1,038 bronze medals sa isang linggong kumpetisyon.

Mahigit 23 gintong medalya ang paglalabanan ngayong araw sa medal-rich athletics at walo sa swimming sa Cebu City Sports Center habang mag-umpisa na rin ang laban sa  archery, arnis, badminton, chess, cycling, sepak-takraw, softball, table tennis, beach volleyball  at weighlifting.