Gonzaga magdedepensa kasama si Morada sa Belo-PSL Beach Volleyball Challenge Cup

MANILA, Philippines - Paborito muling magreyna si  Jovelyn Gonzaga, ngayon ay ka-sama si Maica Morada, ng Cignal HD-A para sa 2017 Belo Philippine Super Liga-Beach Volleyball Challenge Cup na  hahataw bukas sa SM By The Bay.

Kung matatandaan ay nagwagi sina Jovelyn Gonzaga at Nerissa Bautista ng dating RC Cola-Army-A noong nakaraang taon matapos manalo laban sa Foton Toplanders, 2-1, sa Finals.

Ngunit nagpahinga ang RC Cola-Army sa taong ito kaya lumipat si Gonzaga sa Cignal HD-A kasama ang ba-gong partner na si Morada.

“We will just do our best to win again. Pero sa ngayon lahat ng teams ay champion’s caliber kaya siguro mahihirapan kami,” sabi ni Gonzaga katulong si Morada.

Kabuuang 12 kopo-nan ang sasabak sa wo-men’s division kabilang ang F2 Logistics-A (Cyd Demecillo at Fritz Gallenero), F2 Logistics-B (Abby Maraño at Cha Cruz), Petron XCS (Ces Molina at  Bang Pineda), Petron Sprint 4 (Cherry Ann Rondina at Bernadette Pons), Generika-Ayala-A (Patty Orendain at Fiola Ceballos), Generika-Ayala-B (Rosalie Pepito at Kathleen Arado).

Pangungunahan din nina Janina at Mylene Paat ang Cignal HD-B, habang ang Cocolife ay pagbibidahan nina Abie Nuval at Wensh Tiu at sina Marijo Medalla at Bianca Tripoli ang magdadala sa Perpetul Help.

Ang Sta. Lucia ay sasandal kina Danika Gendrauli at  Jackilyn Estoquia at ang Foton ay gagabayan nina Kathleen Barrinuevo at Cherilyn Sindayen.

Mayroon ding siyam na koponan sa men’s division sa pangunguna ng 2016 runner up na Team Volleyball Manila (TVM) nina Arjay Onia at Garaint Bacon.

Ang iba pang kasali sa men’s category ay si-na Erickson Ramos at Edmar Joseph Bonono (Cignal HD), Perpetual Help-A  (Rey Taneo at Relan Taneo), Perpe-tual Helo-B (Jayjay Solamilio at Gilbert Balmores), IEM-A (Arjay Saledo at Romnick Samson), IEM-B (Michael Zamora at Carlito Delito), WAYUK (Emmanuel Gamat at Conrad Cabrera), Generika-Ayala (Anthony Lemuel Arbasto at Calvin Sarte).

Kaagad maghaharap ang Perpetual Help laban sa Generika-Ayala-B sa alas-4 ng hapon, habang magtatagpo naman ang F2 Logistics-A at Cocolife sa alas-5.

Susunod naman ang laban ng Cignal HD-B at Generika-Ayala-B sa alas-6 ng gabi kasunod ang sagupaan ng Sta. Lucia laban sa Petron CS.

Magtatagpo naman ang Generika-Ayala-B at Cignal HD-A sa alas-8 ng gabi at ang Petron Sprint 4T laban sa F2 Logistics-A sa huling la-ro sa alas-9.