Blatche mas iniisip ang ilalaro ng Gilas kaysa sa mga kalaban
CHANGSHA – Hindi iniisip ni naturalized player Andray Blatche ang mga koponang makakalaban ng Gilas Pilipinas.
Sinabi ng nine-year NBA veteran na mas ina-alala niya kung ano ang kanilang ilalaro.
“I’m worried about us, worried about how we come out and play, execute,” sabi ng 6-foot-10 center. “When we play together and hit our shots, we’re a tough team like we showed today (against Hong Kong). As long as we play with the same effort, we will be fine. We will get our goal,” dagdag pa nito.
Sinabi ni Blatche na kung maipapakita nila ang kanilang tunay na porma ay maaari nilang makatapat ang host team sa isang inaasahang playoff duel.
At kapag nangyari ito ay naniniwala si Blatche, isang Chinese league star, na makakatulong siyang maglatag ng game plan ng Nationals.
“I’m quite sure, when we get to that point, (coach Tab Baldwin) and I will talk about the Chinese players. I’m quite sure that the Chinese players will also talk a lot about me,” ani Blatche.
Sa tuwing tinatanong siya tungkol sa kanyang kondisyon ay naiinis si Blatche. Mas gusto pa niyang pag-usapan ang pagkatalo ng Gilas sa Palestine.
“We had the game in our hands and we didn’t close it,” ani Blatche. (NB)
- Latest
