Petron Blaze Spikers sasabak na sa AVC Championships

MANILA, Philippines – Inaasahang magpapakita ng magandang performance ang  reigning Philippine Superliga (PSL) Grand Prix champion Petron na kakatawan sa bansa sa 16th AVC Asian Women’s Club Volleyball Championship sa Ha Nam Competition Hall sa Phu Ly, Vietnam na magsisimula ngayong weekend.

Mula sa magandang kampanya sa nakaraang  PSL All-Filipino Conference, inaasahang ipakikita ng Blaze Spikers ang kanilang A-game sa international stage sa pagharap sa mga mahuhusay na club teams sa Asia  sa torneong ito kung saan pag-lalabanan ang ticket para sa FIVB World Women’s Club Volleyball Championship na idaraos sa susunod na taon.

Ngunit inaasahang magiging mabigat ang laban para sa Blaze Spikers sa classification stage matapos masama sa Group B na kinabibilangan ng Islamic Azad University ng Iran, 4.25 Sports Club ng North Korea, Zhejiang ng China at powerhouse Hisamitsu Seiyaku Springs ng Japan -- ang two-time champion na muling pangungunahan nina Miyu Nagaoka, Risa Shinabe and Nana Iwasaka.

Ang Group A ay kinabibilangan ng Thong Tin Lienvietpostbank ng host country, Taiwan Power ng Chinese Taipei, Zhetyssu ng Kazakhstan at Southeast Asian favorite Bangkok Glass.

“It’s going to be a tough battle from start to finish,” sabi ni Petron coach George Pascua.

“It may be a highly-competitive field, but Petron has what it takes to pull off a pleasant surprise,” sabi naman ni PSL president Ramon “Tats” Suzara na chairman din ng marketing and deve-lopment committee ng AVC at FIVB.

Ang bumubuo ng Blaze Spikers ay ang Brazilian reinforcements na sina Rupia Inck at Erika Adachi kasama sina  Aby Maraño, Rachel Anne Daquis and Dindin Ma-nabat as well as the solid support crew of Jen Reyes, Frances Molina, Acy Masangkay, Mina Aganon, Mayette Zapanta, Jozza Cabalsa, Maica Morada and Fille Cayetano.