Blazers inangkin ang Northwest title; McCollum nagbida kontra sa Lakers
LOS ANGELES -- Nagbalik ang Portland Trail Blazers sa kanilang locker room at nakita ang itim na T-shirts na nakasabit sa kanilang stalls na may bold red-and-white letters na “Northwest Claimed.”
Naglagay si Damian Lillard ng dalawa sa kanyang traveling bag, ngunit walang Blazers na nagsuot nito.
Habang natutuwa sila sa mga souvenirs mula sa unang outright division title ng prangkisa 21st century, iniisip ngayon ng Blazers ang mas malaking selebrasyon.
Umiskor si C.J. McCollum ng career-high na 27 points, habang nagdagdag si Lillard ng 20 markers para ipagdiwang ng Portland ang pag-angkin sa Northwest Division title sa pamamagitan ng 107-77 panalo laban sa Los Angeles Lakers.
“It’s an honor to be a part of this team and do so many things that this organization hasn’t done for so long,” wika ni Lillard.
Nag-ambag si Arron Afflalo ng 17 points para sa Blazers, nauna nang nakamit ang titulo nang matalo ang Oklahoma City Thunder sa Memphis Grizzlies.
Ang Northwest crown ang unang division title ng Blazers matapos ang co-championship noong 2009.
Itinala ng Portland ang malaking 25-point lead sa second period at hindi na nilingon pa ang Los Angeles.
Tumipa si Fil-Am rookie Jordan Clarkson ng 27 points, 7 rebounds at 5 assists sa panig ng Lakers.
- Latest
