Cariaso bilang na ang araw sa Ginebra
MANILA, Philippines - Posibleng magbalik si Ato Agustin sa bench ng Gin Kings sa darating na 2014-2015 PBA Commissioner’s Cup.
Ito ay kaugnay sa sinasabing pagpapatalsik ng Barangay Ginebra kay rookie coach Jeffrey Cariaso matapos ang dalawang komperensya.
Sisimulan ng Gin Kings ang kanilang preparasyon para sa second conference sa Enero 5 kung saan si Agustin ang inaasahang mamamahala sa ensayo.
Ito ang magiging pangalawang pagkakataon na igigiya ni Agustin ang Ginebra matapos palitan si Alfrancis Chua sa pagsisimula ng 2013 PBA Governors Cup.
Sa nakaraang dalawang torneo ay pinilit gamitin ni Cariaso sa Gin Kings ang natutuhan niya kay Purefoods’ coach Tim Cone na ‘triangle offense’.
Ngunit hanggang sa ngayon ay nahihirapan pa rin ang koponan sa naturang sistema ni Cariaso.
Ang istilong ‘run-and-gun’ ang nakagawian na ng Ginebra sa nakaraang mga taon bukod pa sa kanilang ‘never-say-die’ spirit.
- Latest
