Damong Ligaw inungusan ang6 pang nakalaban sa Santa Ana

MANILA, Philippines - Tinapos ng Damong Ligaw ang unang buwan ng panganga­rera sa pamamagitan ng panalo sa nilahukang tak­bo noong Biyernes sa San­ta Ana Park sa Naic, Ca­vite.

Kumaripas ng takbo ang kabayong sakay ni Dan Camañero mula hu­ling kurbada upang ma­nalo sa anim na kabayong naglabanan sa 1,300m class division 2 race.

Sinikap ng Sa Totoo Lang ni J.L. Paano na di­kitan ang nauunang ka­bayo pero ginamitan ng la­tigo ni Camañero ang ka­bayo para manalo ng ka­lahating kabayong agwat sa meta.

Bago ito ay nanalo ang tambalan noong Ene­­ro 25 para malagay bi­lang pabo­rito sa karera at maghatid ng P6.00 sa win.

Nadehado ang Sa To­too Lang para palakihin sa P32.50 ang dibidendo sa forecast na 6-4.

Dikitan ang mga ben­ta sa lahat ng 12 karera na idinaos sa bakuran ng Philippine Racing Club Inc. (PRCI).

Ang naka­panilat ay ang Star Of Jo­na na pinataob ang pabo­rito sa karera na Smart Win­ner sa 3YO and Above Maiden race sa 1,300m distansya.

Ito ang ikalawang opis­yal na takbo ng Star Of Jona matapos isalang sa isang Novato race no­ong Enero 5.

Nagbigay ng P57.00 ang win, habang nasa P171.00 ang ibinigay sa 6-4 forecast.

Magtatapos ang anim na araw na pista ngayon sa MetroTurf sa Malvar, Batangas  sa pamamagitan ng paghahain ng 12 ka­­pana-panabik na karera na inaasahang ikasisiya ng mga karerista.