Dusty Jewel dinomina ang Charity Special Race

MANILA, Philippines - Itinanghal ang Dusty Jewel bilang kauna-una­hang kabayo na nakakuha ng panalo sa gaganaping Phi­lippine Racing Com­mis­sion-sponsored race nang dominahin ang Phil­ra­­com Charity Special Race kahapon sa Metro Turf sa Malvar, Batangas.

Mahusay na ikinondis­yon ang kabayong sinak­yan ni Reynaldo Nio, Jr. nang pakainin ng alika­bok ng tambalan ang mga na­ka­laban sa 1,400-metrong tampok na ka­rera.

Nagsumite ang Dusty Jewel ng 1:25.8 (13, 22’, 23, 27) winning time para kunin din ang P180,000.00 mula sa P300,000.00 kabuuang prem­yo na inilaan ng Phil­ra­com sa karerang inialay sa volunteers sa scholars ng Center for Disaster and Emer­gency Management (CDEM) Inc.

Nakasabayan ng Dus­ty Jewel sa alisan ang Pri­vate Thoughts, Great Wal­da at Rose Blush.

Pero ma­tapos lamang ang unang kurbada ay nag­simulang iwanan ng tat­long taong colt ang mga ka­tunggali.

Sa rekta ay lalo pang tu­mulin ang kabayong may lahing Warrior Song at Shining Diamond.

Nanalo ang kabayo ng mahigit na pitong agwat sa kalaban.

Ang labanan sa panga­lawang puwesto ang si­yang mainitang pinag­labanan at matapos ang pho­to finish ay nakita na na­kaangat ng bahagya ang Sharp Look ni LF De Je­sus sa Great Walda na di­niskartehan ni Jessie Gu­ce.

Halagang P67,500.00 ang napunta sa Sharp Look na humabol mula sa bugaw sa alisan.

Ang Great Walda ay nag-uwi ng P37,500.00.

Ang Private Thoughts ni NK Calingasan ang kumumpleto sa datingan at mai­bulsa ang P15,000.00 prem­yo.

Itinalaga bilang patok ang Dusty Jewel ma­­tapos kumabig ng P171,992.00 benta mula sa P419,935.00 sa Daily Double, habang ang se­cond choice sa ta­laan ang Sharp Look sa P77,515.00 sales.

Pero dahil dikit-dikit ang bentahan ng limang ka­­bayo, nagpamahagi pa ang win ng Dusty Jewel ng P8.50, habang ang 3-5 forecast ay may P25.50 dibidendo.

Magsisimula ang pista sa linggong ito sa San La­zaro Leisure Park sa Carmona, Cavite na may ba­lansyadong handicapping sa mga maglalaban-laban.