D-Rose naglaro na

INDIANAPOLIS –Sandali lang naglaro si Derrick Rose sa isang exhibition game nitong Sabado ng gabi ngunit naipakita niya ang kanyang kakayahan sa una niyang NBA game matapos mawala ng 17 buwan.

 Sumalang ang Chicago Bulls guard ng mahigit 20 minutes sa 82-76 panalo ng Chicago kontra sa Indiana Pacers kung saan nakita ang bakas ng kanyang panga-ngalawang ngunit nakita rin ang kanyang muscle me-mory sa pagtatala ng 13 points, two assists at three steals.

At bagama’t nakaupo na lang si Rose sa huling 19-minuto sa come-back win ng Chicago, tagumpay ang kanyang unang appearance matapos matengga ng matagal dahil sa ACL injury.

Matatandaang mas pinili ni Rose na hindi maglaro sa kabuuan ng 2012-13 season matapos mapunit ang ACL sa kanyang unang laro noong 2012 postseason kung saan madalas siyang tumangging magsalita sa publiko kung kailan siya makakabalik bagama’t sunud-sunod ang injury sa Bulls noon.

Bagama’t suportado siya ng kanyang mga teammates, marami ang bumabatikos kay Rose dahil nakabalik na sa laro ang ibang players na kasabayan niyang nagka-ACL injury habang siya ay nakatengga pa.