Asawa ni Donaire na si Rachel sinagip ang nalulunod na bata kahit buntis

MANILA, Philippines - Kagaya ng kanyang asa­wang si world super ban­tamweight champion No­nito ‘The Filipino Flash’ Donaire, Jr., maa­ari na ring maituring na isang ba­yani si Rachel Marcial.

Bagama’t siyam na bu­wang buntis, sinagip pa rin ng 31-anyos na si Rachel ang isang nalulunod na bata sa pagdi­riwang ng United States sa 4th of Ju­ly.

Kaagad na dinala sa os­pital si Rachel, ayon sa Tweet ni Donaire.

“Rachel Donaire was admitted in a hospital for fetal monitoring after saving a drowning child,” ani Donaire sa kanyang Twi­tter account na may hi­git sa 140,000 followers ngayon.

Ayon sa 30-anyos na si Donaire, nakabase sa US kasama si Rachel, suma­ilalim ang dating taek­wondo jin sa isang fetal mo­nitoring para alamin ang kondisyon ng kanyang anak.

Si Rachel, nahirang na World’s Sexiest Woman ng FHM, ay may Twitter account na “Knockout Queen.”

“Wifey admitted into ER (emergency room) for fetal monitoring. She’s full term but not due for ano­ther 17 days. Praying things are okay,” wika ni Do­naire.

Inaasahan nina Do­naire at Rachel ang pagsilang ng kanilang unang anak sa susunod na tatlong linggo.

“Epsom salt warm bath should help @Knockout_Queen with the pulled ligament.  Thanks again for all your prayers!,” sabi ni Donaire.

Bumaha ng papuri pa­ra kay Rachel mula sa Twitter.

“Wow!! Rachel is a he­ro!!” sabi ni American super middleweight cham­­­pion Andre Ward kay Rachel sa kan­yang Twit­ter account.